Obrigados a Nádia D. |
Un acróstico é unha composición en que as letras iniciais dos versos ou das oracións lidas en vertical compoñen unha palabra ou frase. Nós tamén quixemos probar a facer acrósticos, pero complicamos un pouco a cousa, fixemos acrósticos cuxos versos eran centóns. Os versos dos centóns eran de Celso Emilio, iso si, para o z, tivemos que collérllelos emprestados, nestes dous exemplos, a Xulio L. Valcárcel e a Marta Dacosta. Isto é unha mostra de como se nos deu.
era igual que
nomear a primavera,
decir libertá non
era triste.
I agora penso eu,
mentiras e
inxustizas de cotío,
o corazón da xente
sin os doces
segredos das violedas.
Anda un terror de
auga fría,
paraliza os relós,
perfora as gorxas.
As cousas son así.
Zoa o vento.
Francisco J. Miranda (2º ESO E)
Versos tirados dos
seguintes poemas: “O reino”, “Crónica da coca-cola”, “Deitado rente ao mar”,
“Nai”, “María Soliña”, “O can danado”, “Os ratos” , de Celso Emilio e “Espacio
branco” de Xulio L. Valcárcel.
Foto Ruth M. Anderson |
Pasaba o
xornaleiro asubiando
e dous ollos de
vidro sempre acesos,
Deus estaba con
el,
I eu era un
vagalume, unha estreliña
máis alá das
sabanas e das illas.
O que ha de vir
chegará
sobre a fronte dos
homes temerosos.
A noite que é un
burato sen orelas
podía escorrentar
tan grande medo,
ateigada de luz
polas vereas
zugarnos a
vontade.
Sara Vázquez (2º ESO E)
Versos tirados de
“O medo”, “Os ratos”, “Nai”; “Irmaus”, “Son un pasmón”, “O can danado” de Celso
Emilio e “Non é amor” de Marta Dacosta.
Deixámosvos como agasallo final os poemas de Xulio L. Valcárcel e Marta Dacosta, sen eles o zeta sería imposíbel.
Deixámosvos como agasallo final os poemas de Xulio L. Valcárcel e Marta Dacosta, sen eles o zeta sería imposíbel.
"Non é amor"
Pobre Ofelia
cristalizada estás no sangue da loucura
e gardas baixo as unllas a carne do covarde,
como un berro atroz que nos convoca.
Os teus ósos,
espadas de cristal
contra a fame caníval
de posuírnos,
de beber a nosa alma,
zugarnos a vontade,
dobregarnos ao río do delirio.
Ofelia,
pequena Ofelia
non se sacia a sede do covarde.
cristalizada estás no sangue da loucura
e gardas baixo as unllas a carne do covarde,
como un berro atroz que nos convoca.
Os teus ósos,
espadas de cristal
contra a fame caníval
de posuírnos,
de beber a nosa alma,
zugarnos a vontade,
dobregarnos ao río do delirio.
Ofelia,
pequena Ofelia
non se sacia a sede do covarde.
Marta Dacosta
"Paisaxe" Ovidio Murguía Castro |
"Espacio en branco"
Vento, vento, vento...
O vento.
O vento,
soa lonxe o vento.
O vento.
O vento,
soa lonxe o vento.
O merlo.
O merlo,
paxaro sen tempo.
Lonxe. Lonxe...
Soa lonxe,
no corazón do vento.
Canta o merlo
sobre o cristal
do inverno.
Sen tempo o vento.
O vento zoa sen tempo.
O vento. O merlo.
Zoa o vento.
Canta o merlo.
Dentro,
un neno.
O merlo,
paxaro sen tempo.
Lonxe. Lonxe...
Soa lonxe,
no corazón do vento.
Canta o merlo
sobre o cristal
do inverno.
Sen tempo o vento.
O vento zoa sen tempo.
O vento. O merlo.
Zoa o vento.
Canta o merlo.
Dentro,
un neno.
Xulio L. Valcárcel
Únome á petición da paz. Creo que os poemas, aínda que son centóns, están ben cosidos. Parabéns!
ResponderEliminar