O CORAZÓN DE XÚPITER

Novo libro para 3º de ESO, esta vez de Ledicia Costas, e novos temas que se resumen en definitiva nun: adolescencia; pero adolescencia vista dende todas ou case todas as súas caras. Poucas cousas quedan fóra: as difíciles relacións cos adultos e tamén entre vós mesmos, ás veces; a dor, a homosexualidade, as afeccións, as noites de festa, as novas formas de relación a través da rede...

Confío en que será algo máis que o libro de lectura obrigatoria da 3ª avaliación. Xa me iredes 
contando.

NEGREIRA. O NOSO INTERCAMBIO

Un ano máis está previsto que o noso instituto faga un intercambio co IES Xulián Magariños de Negreira. Nós somos os primeiros en ir, así que é ben irse informando un pouco sobre esta vila.

Teño pasado por fóra de Negreira algunhas veces, de camiño á Costa da Morte, pero a verdade é que a penas parei nela. Si sucumbín varias ao encanto da aldea de  Ponte Maceira, con fermosa ponte medieval sobre o río Tambre.

Non sei que nos mostrarán os nosos compañeiros negreireses,  pero aquí quedan algunhas imaxes por cortesía do Google. A razón da estatua de Santiago é porque esta vila está no camiño xacobeo a Fisterra.

 

  Pazo de Cotón

Igrexa de San Pedro de Gonte

Mesmo ten, como vedes, curiosos monumentos. Só nos queda pedir que o tempo axude na nosa visita

DIA DA MULLER

De Literalingua

María das batallas,
levareiche unha frol por cada bala;
i unha cunca de leite
arrebuxada en neve
pra che curar a sede.
¡Sede mortal, varona, a desta patria:
queima no peito con ardente brasa!










Hoxe non teño moito tempo, só quero darvos as grazas por colaborardes nas actividades do Día da Muller.

Cos versos de Lorenzo Varela e o gravado de Seoane reivindicamos as mulleres que perderon mil batallas sen perder a dignidade.